أجيه وأدري لو أجـي مالقيتـه
ــــــــــــــ لكن كذا أرتاح لاجيـت ماضيـه
والله لا اموت وغايتي مانسيتـه
ــــــــــــــ حتى بصلاتي اطلـب الله يهنيـه
الحاره اللى تفتخـر فـي مبيتـه
ــــــــــــــ نامت كما طفلٍ فقد حضن اهاليـه
حتى في غيابـه للشـوارع شكيتـه
ــــــــــــــ قالت تصدق عاد مثلك انا اغليـه
يشهد جداره من حنينـي بكيتـه
ــــــــــــــ ودي أضم جدار بيته وأنا ابكيـه
ياما بصدق أحساس قلبي عطيته
ــــــــــــــ وياما خذاني من التعب بين اياديه
أذكر في ذاك اليوم مـره لقيتـه
ـــــــــــــ ـيبكي وضايق ياصاحبي مـن لياليـه
جيته بدون شعور لهفـه خذيتـه
ــــــــــــــ وساعه أنا وياه جالس اواسيـه
وشرد خيالي من دموعه نسيتـه
ــــــــــــــ جالس أفكر في دموعه وناسيـه
أثـره يناظـر دمعتـي مارأيتـه
ــــــــــــــ قام وسألني ليش تبكي وأنا فيـه
مسح دموعي ياصاحبي واحتويتـه
ــــــــــــــ مثل الغريب اللى تضمه غواليـه
واليوم انا والدمع وجـدار بيتـه
ــــــــــــــ نسترجع الذكرى قبـل لا يخليـه
الرئيسية 
البوابة 
أحدث الصور 
التسجيل 
دخول 
موضوع: ودي اضم جدار بيته ونا أبكيه 
الأربعاء سبتمبر 10, 2008 3:48 pm
